Page 29 - index

20 août 1657 Don mutuel entre Jean Guyon et Mathurine Robin

Par deuant Guillaume Audouart Secretaire du Conseil
estably par le Roy a qwbec nottaire en la nouuelle france et tesmoingts

Soubz signez furent presents en leurs personnes Jean guyon
et Mathurinne Robin sa femme de luy authorisée en Ceste
partie demeurant en la Coste de beauport en La nouuelle
france lieu appellé Le buisson lesquels estants en bonne
santé de Corps Sains d'esprit Memoire et entendement

ainsy qui1 est apparu a moy notaire et tesmoings Soubz signez
Considerant le grand amour quils Se Sont porter et portent
et des peynes et trauaux quils ont souffert pour gaigner

et Conseruer les biens qui1 a pleu a dieu leurs enuoyer
Voulant de Ce Recompenser I'un lautre afin que le
Suruiuant d'eux deux ayt meilleur moyen de sentretenir
tant qui1 Viura de leurs bon grez Recongneurent et confeserent
auoir fait I'un deux d'un mutuel esgal et Reciproque

perpetuel et lrreuocable de tous et Chacuns leurs biens
meubles et acquest et Conquest Immeubles qui se trouueront
leurs appartenir au Jour du trespas du premier mourant
en quelques lieux que lesdictz Immeubles soient Cituez

et assis, et lesdictz meubles sceus et trouuez a quelque
Valleur qui se puissent monter pour en Jouir par le
Suruiuant sa Vie durant sans estre tenu de ny obligé
de bailler Cauxtion ains au Contraire a faire a Sa Volonté

Iceux Vendre engager et Voter sy besoing est et a la charge
que le Suruiuant fera enterrer le premier decedde, et
faire faire prieres pour le Repos de Son ame par les
desnommés Cy dessus, et de plus ont desclaré lesdits guion

et Mathurinne Robin sa femme qu'attendu que le fief
du buisson n'est esbauché ny deffriché en telle fason qui1 puisse
estre Considere Comme la Coustume de france le Voudroit
que laisné de leurs enfans masle qui Suruiura led. guyon

Pere prenne pour Son droict dainesse une petite chambre
a feu ou de p'nt est la forge auec le Jardin du deuant
Icelle suiuant lalignem'î du pignon de ladite Maison