Page 141 - index

Toutes lesquelles choses cy dessus ont esté accordéz entre les
parties Scauoir pour ce qui concerne ladite estimation cy dessus
Speciffiée Comme aussi la continuation d'Une année de jouissance

de ladite terre aux conditions & Charges cy dessus jcelle
année finissante au jour & feste de S.^ Michel mil Six cens
cinquante cinq Et en cas que damoiselle Eleonord de Grandmaison
espouse dudit Sieur de Beaulieu fust de retour de france & qu'jcelle
trouue & agré ledit traité pour agreable luy Sera loisible de le

continuer Si bon luy Semble pour autant de temps quelle aura
pour agreable &quelle en Conuiendra Promettantz &c
Obligeantz Scauoir ledit Beaulieu faire jouir le dit baliarjeon

pendant ledit temps Comme aussy ledit baliarjeon payer
toutes les Charges & obligations contenus au present traité
Soubs l'obligation d'Un Chacun ses biens presents & aduenir
Renonceantz &c fait & passé au fort de ~.f Louis de quebecq

Le douziesme Jour de Aoust mil Six cens cinquante quatre
en presence de henry Pinguet et Zacharie Cloutier pere
&Jacques Maheut Estimateurs & tesmoins qui ont Signé auec
ledit Sieur de beaulieu & a ledit Zacharie Cloutier declaré

ne Scauoir escrire ny Signer de ce jnterpellé Suiuant lordonnance
comme aussi ledit baliarjeon prenneur Et en Suitte est escrii
Sur la minutte originalle de la main dudit Sieur de Beaulieu
Ledit Gourdeau a fait response pour la Clause ou article

cy dessus qui parle de Sa femme quelle na aucuns pouuoir
de casser ny continuer Le present bail dautant qui1 en est
lesgueur & maistre des concession de Messieurs de Beaupré
& en cas qui1 ne Soit permis audit Gourdeau Lannée prochaine

de rentrer dans Son bien ou que Ses amis l'obligeassent de faire
Sa demeure en france II entend faire rester Sa dite femme
auec luy comme elle sest obligé & consent que les enfans
de Sa femme jouissent du reuenu du bien mentionné par ledit

bail jusques a ce qui1 se soit autrement pourueu pour cet affaire
par deuant qui II Verra estre a faire par raison & que Sans
Le prejudicier a Ses droits & pretentions II a Signé Le present
bail dans la prison Signé Gourdeau J Maheust & audouart

Nott'e auec paraphé /