Page 204 - Transcriptions d'actes notariés - Tome 19 - 1673-1685
P. 204
que Ses debtes Soient payées & les torts Sy Certains Se trouuent
par elle faits reparez par Son Executeur du present Son Testament
Cy Apres nommé, item desire qui1 Soit donné & ausmoné
aussy tost Son decedz arriué aux pauures de la parroisse de nostre
dame de cette Ville, la Somme de cinq Solz parisis, item
desire & ordonne quapres Son decedz Son Corps Soit Inhumé
au Cimetiere des pauures de lhostel dieu de cette ditte Ville
de Quebec, item donne & legue la ditte Testatrice aux dames
religieuses & pauures dudit hostel dieu de Quebec la Somme de
deux Cens liures qui est a chacun Celle de Cent liures en Considera'on
de lassistance que son deffunt mary & elle y ont receus en
Leurs maladies, item donne & legue a loeuure de lesglize de
nostre dame dudit Quebec la Somme de trente liures pour faire dire
Un Seruice lors de Son deceds en laditte Eglize, item donne
& legue Aux Reuerens peres Recollets de nostre dame des Anges
Lez Quebec pareille Somme de Trente liures pour par elle
& Son deff unt mary participer aux prieres & bonnes Oeuures
qui sy font; item donne & legue a loeuure de lesglise de
Saint Michel de Sillery la Somme de dix liures pour estre
pareillement dit des Messes & prieres pour le repos de lame de
Sondit deffunt mary & de la Sienne; item donne & legue ez
Eglizes de nostre dame de foy & de lorelte a Chacun la
Somme de dix liures aussy pour estre dit & Celebré des messes
es dites lieux pour le repos des Ames dudit deffunt & delle
item donne et legue a la chapelle de la Sainte famille Erigéé
en lesglize de nostre dame dudit Quebec la Somme de dix
Liures pour estre Employ6é a lornement & decoration djcelle
aux fins de participer aux prieres & bonnes Oeuures des perso'es
qui Sont de la Confrairie & Societe de la ditte Sainte famille,
Touttes lesquelles Sommes montant Ensemble a Celle
de trois Cens liures Cinq Solz, laditte Grimou Veut et
Entend estre prise Sur pareille Somme de trois Cens liures Cinq Solz
a elle deüe par les dames religieuses dudit hostel dieu au nom
dadrien Sedilot Son filz, pour Solde de tout Compte de Tout le
fermage de Terre qui1 auoit Tenu delle a tiltre de bail & de
Touttes les affaires quils Auoient eües par Ensemble de tout
