Page 200 - Transcriptions d'actes notariés - Tome 19 - 1673-1685

21 nov. 1681 Marché entre Phiiippe Gauthier et Robert Choret

21 nouemb. 1681:

Pardeuant Romain Becquet No.re Royal &c, furent

p'nts en leurs personnes, Messire Phl'es Gauitier es.er
Sieur de Comporté con.er du Roy preuost general de la mareschaussée
de ce pais demeurant en cette Ville de Quebec d'une part, Et
Robert Choret M.re charpentier habitant demeurant au comté
de S.^ Laurens de present en cette Ville de Quebecq d'au'e part,

Lesquels ont Recognu et confessé auoir faict par ensemble
Les traitté, marché, accords & promesses qui ensuiuent, Cest
A Scauoir que led. Choret à entrepris, entreprend, promet & Soblige

de faire pour et au proffit dud. Sieur de Comporté, Une
alonge de Maison en la haute Ville dud. Quebec, de douze
pied de long Sur pareille Largeur q de la maison que led. S.'
de Comporté a faict bastir a lad. haute Ville dont la ~harp.~~

a esté faite par led. Choret entrepreneur au bout de laquelle Sera
Lad. allonge, Laquelle Allonge Sera de pareille hauteur
faite de bon et pareil bois que lad. maison dont le pignon Sera
quarré, plus led. p entrepreneur fera a lad. alonge Tous

les planchers, portes, et contreuents necessaires Tout & ainsy
qui1 à fafi a lad. maison ès endroicts & places qui luy Seront
Indicquez, comme aussy la Couuerture en planche, Et g'ralem'î
de faire lad. allonge pareille, et telle, & de la mesme qualité,

maniere et façon que lad. maison Et Rendre Icelle &tous les
trauaux en dependans faicts et parfaicts bien et deuement
au dire douuriers et Gens a ce connoissans dans le premier
Jour d'aoust prochain Venant de lan que l'on comptera gbj.c

quatre Vingt deux a payne de tous despens dommages, et
Interests, Dans lequel Temps led. choret preneur Sera tenu
et promet de faire pour led. Sieur de Comporte Touttes chacunes
Les Clostures Restantes a faire pour acheuer de clorre

Lemplacement de terre dependant de lad. maison tant de long
que de trauers, Comme aussy touttes Celles de Reffentes ou
Separa'on qui Seront Necessaires pour diuiser le jardin dauec