Page 202 - Transcriptions d'actes notariés - Tome 19 - 1673-1685

17 jan. 1682 Accord entre Slmon Guyon et Guillaume Thlbault, son gendre

Et aduenant pardeuant Romain Becquet Notaire Royal
Sont Comparus en leurs personnes Le Sieur Simon Guyon habitant
demeurant en la Seigneurie de beaupré de present en Cette Ville
de Quebec malade de Corps mais Sain desprit maniere
Et Entendement ainsy qui1 est aparu audit notaire & Tesmoins
dune part, Et le Sieur Guillaume Thibaud Son Gendre, aussy
habitant dudit Beaupré de p'nt en Cette ditte Ville dautre
part Lesquels partyes en Executtion de la Clause portéé au
Contrat de mariage d'Entre ledit Sieur Thibaud & Marie
Guyon Cy deuant Escrit & pour Euiter a proceds a laduenir, ont
Volontairement reconnu & Confessé auoir de part & dautre
fait par ensemble les accords Conuentions &choses qui
Ensuiuent, Cest a Scauoir que ledit Sieur Thibaut a desclaré
& desclare par Ces p'ntes que les deux arpens & demy de
terre de front Sur Une lieue de profondeur qui Sont donnéz par led.
Sieur Guyon a laditte Marie Guyon Sa fille par aduancement
douairye par ledit Contrat de mariage, II les prend du Coste du
Coste du Sieur Pierre Gagner auec les Cinq arpens de terre nette
& maison qui se rencontre dessus, Lesquels deux arpens et
demye de terre de front Sur saditte proffondeur auec lesd. cinq
arpens de terre nette & maison qui est bastye dessus en

Lestat quelle est de p'nt, ont Este Estiméz ensemble par led.
Sieur Guyon a la Somme de Six Cens liures que ledit Sieur Thibaut
Sera tenu de raporter Venant a partage auec Ses autres
Coheritiers apres le decedz dudit Sieur Guyon Car ainsy &c
Promettant &c, obligeant &c chacun en droit Soy &c
Renonceant &c, fait & passé dans la Salle des
hommes malades de IHostel Dieu de Quebec
Lan Mil Six Cens quatre Vingt deux Apres midy
Le dix Septiesme Jour de januier es p'nces de M.re Jean
LeVasseur huissier & de louis Hayet Clerc demeurans
audit Quebec apellez pour Tesmoins qui ont Signé auec lesd.
partyes & no.re Suiuant Lord.ce

(signé) guillaume thibault (par.)
(signé) Simon guion (signé) Le Vasseur (par.)
(signé) Hayet (par.)
(signé) Becquet (par.