Page 54 - index

21 juin 1658 Quittance par Jacques Goulet 9 Jean Juchemu de Maure

Pardeuant Guillaume Audouart Secretaire
du Conseil Estably par Le Roy A quebecq Notaire
Royal en la Nouuelle france & tesmoins Soubsignéz
furent presens en leurs personnes Jean Juchereau Sieur
de Maure d'une part &Jacques Goulet dautre lesquelles
parties Ont recogneu Confessé auoir fait compte par
ensemble Sçauoir de ce que ledit Goulet debuoit audit Juchereau
tant par obligations promesses que autrement dont les
dites obligations & promesses ont esté rendues audit Goulet
par le dit Sieur de Maure en la presence de moy Notaire
& tesmoins Soubsignéz & dont jcelles demeurent Solutes
& acquittés jusques a ce Jour Moyennant Le payement
que le dit Goulet en a fait audit Juchereau tant pour
grains liurés par feu Charles Guilbourg A S.^ Michel
sur la Concession dudit Goulet que de la Somme de
Vingt liures receüs de Simon Le Gendre & la somme
de Cent liures de Jacques Noury qu'jceluy a baillé
a prendre audit S.' de Maure Sur les Nomméz
Guillaume Le Liepure & Jacques Marette Les dits
Le Gendre & Noury estant debiteurs audit Goulet com'e
aussy au'es deniers receüs par le di Sieur de Maure
dont les parties apres compte faict par ensemble
ont recogneu estre demeurez quittes reciprocquement l'Un
enuers lautre Generallement de toutes choses jusques

a ce jour Sans quils Se puissent rechercher en aucune
façon que ce soit ou pouroit estre par cy après dont
&c. quittants &c. Promettants &c. Obligeants
&c. Renonceants &c. fait & passé a quebecq en
lestude du Notaire Susdit & Soubsigné Le Vingt
& Uniesme jour de Juin mil six cens cinquante
huit en presence de Julien martin &Jacques piffray
tesmoins Soubsignéz auec les parties & a ledit
Goulet declaré ne sçauoir escrire ny signer de ce jnterpelle
Suiuant l'ordonnance 1
(signé) Juchereau (par.)
(signé) Jaques pifret
(signé) J Martin (par.)
(signé) Audouart Note (par.)