Page 88 - index

18 oct. 1652 Déclaration par Jacques Ratth en faveur de Jean Juchereau de Maure

Ce Jourdhuy dix huictiesme Jour d'Octobre Mil Six Cent
Cinquante deux A la Requeste et Supplication de Jean Juchereau

S.'de Maure est Comparu pardeuant Moy Jacques Ratté
seruiteur seruant Chez Les Reuerendes Meres hospitallieres de
Quebecq Lequel ma dict et declaré par serment que des il y a

quelque temps que led. Juchereau estant a lhospital en
Linfirmerie ou estoit pour lors Un Nommé Jean poison
habitant des trois Riuieres lceluy detenu d'une Maladie aud.
hospital que Led. S.'Juchereau fist compte auec Led. poison

qui demeura Redebuable aud. Juchereau de la Som'e de dix
huict Liures taui de Sols laditte declaration pour seruir
aud. Juchereau en temps et Lieu en tant que de Raison
faict et passé en lestude du Nottaire Soubsigné A

Quebecq Le Jour et an Susd. 1

(signé) Jacques Raté (par.)

(signé) Audouart Note (par.)