Page 135 - index

28 juin 1654 Bail de vache par Simon Guyon à Jean Guyet

Pardeuant Guillaume Audouart Secretaire du Conseil a
Quebecq Notaire en la Nouuelle france & tesmoins soubsignés fut p'nt

en Sa personne Jean Guyet habitant demeurant ordinairement en
la pointe de Leuy en la coste de Lauson estant de present a
Quebecq lequel Volontairement a Recogneu Confessé Recognoist &
confesse par ces p'ntes auoir prix a tiltre de loyer de toute

moytié d'honorable homme Simon Guyon aussi habitant demeurant en
la coste de Beaupré estant de p'nt aud. Quebecq Une Vache Caille

#escheu /dernier agée de quatre a cinq ans ou enuiron pour le temps & espace de
trois années Comenceantes au Jour & feste de la toussainct # en

(par. Audouart) lannée mil six cens cinquante trois pour finir a apareil Jour les
d. trois années expiréz Moyennant quoy led. Jean Guyet sest
obligé & soblige Icelle Vache faire Garder soigner Nourir pendant
led. temps desd. trois années mmeaussy s'oblige

led. Guyet fournir & liurer par Chacun an aud. bailleur
la quantité de Vingt cinq liures de beure & moitié des escroix
t
qui prouiendront pendant les d. trois années Cas arriuant de Mort
delad. vache Naturelle led. bailleur ne poura Rien en demander aud. preneur
(par. Audouart) mais arriuant qui1 se trouuast qui1 arriuast mortalité par faute
de garde ou de soins ou autre accident Led. bailleur poura Repeter
la Valleur d'Icelle allencontre dud. Guyet le tout ainsy quelle
sera estimée et eualuée par gens a ce cognoissans Promettant &

Obligeant led. Guyet ses biens presens & aduenir Renonceants &
faict & passé en lestude du Notaire Susd. & Soubsigné Le Vingt
huictiesme Jour de Juin mil six cens cinquante quatre p'nce
honorable homme Guillaume Cousture & Jean bonard d. la fortune

habitans & tesmoins qui ont signé & a led. Guyet declaré ne
scauoir escrire ny signer de ce interpellé suiuant Lordonnance

(signé) Simon guyon (par.)

(signé) G Coûsture
(signé) Jehan bonar (par.)

(signé) Audouart Note (par.)