Page 206 - Transcriptions d'actes notariés - Tome 14- 1757-1764

23 nov. 1677 Marché entre Guillaume Julien et Plerre Jean

Pardeuant Romain Becquet notaire Royal &c.
furent presents En leurs personnes Maistre
Guillaume Juillien Boucher demeurant en cette Ville d'une part,

Et Pierre Jean habitant demeurant a la Canardiere lez
Quebecq, d'autre part, Lesquels de leurs bons gréez ont
Volontairement recognu & Confessé auoir faict entr'eux les
association Acords promesses & marchez qui ensuiuent
Cest a Sçauoir que lesdictes parties Se Sont associéz

par Ensemble pour treyner tout ce present hiuert Soit
bois de corde ou autrement, Et pour cet effet de fournir
de chacun de deux boeufs & treynes necessaires, & mesme

ledict Juillien attendu qu'il ne peut fournir de sa personne
fournira d'un homme capable de Conduire lesd. boeufs
& de trauailler a cet effet; & led. Pierre Jean
fournira de sa personne, a Commencer de trauailler par
Ensemble des lors que les neiges permettront de trayner

pour Jusqu'a la fonte des Neiges Sans discontinuer l'un ny
l'autre, tant que le temps le permettra, le proffict & gain
desquels hommes boeufs & treynes Sera partagé

Esgallement entre lesdicts Jullien &Jean a feur Et
mesure qu'ils trauailleront ou receuront quelque payement
Sera tenu p'met & s'oblige led. P're Jean de Nourrir
Loger Et heberger L'homme & boeufs que led. Juillien

fournira de Sa part, pendant tout le present hiuer
pour lesquels led. Juillien Sera tenu & promet luy
payer Sçauoir pour l'homme la Somme de trente
liures pour & par chacun mois, Et celle de quarante

liures pour lhiuernement desd. deux boeufs, Sont
Conuenus lesd. parties Sçauoir que led. Juillien laissera
Sesd. deux boeufs aud. Jean pour luy ayder a f'e Ses
Semences le printemps prochain Sans en payer aucune

chose, mais seullement de les Nourrir et Soigner
bien & deuement en sorte qu'il nen arriue faute, ny
accident, En consideration de quoy led. pierre promet