Page 138 - index

18 juil.1660 Ball à ferme par Jean Picard à Jean Boutln

Par deuant Guillaume Audouard Segretaire
du Con'l estably par Sa Majesté a quebec Nottaire

en La Nouuelle france et tesmoingtz Soubz Signez
fut present en sa personne Jean piccard habitant en la
Coste et Seigneurye de beaupré Lequel de Son bon gré
pure et franche Liberté a Recongneu Confessé Recognoist

et Confesse auoir Cedict Jour baillé a tiitre de ferme et
de toutte Moictyé pour le temps et terme de Cinq année
a Commencer du Jour et feste de la toussainct prochaine

Venante et finissant a pareil jour et terme a Jean bouttin
trauaillant en Ce pays a ce present et acceptant Cest
a Sçauoir touttes et Chacunes les terres apartenantes aud.
picard bailleur Scise en Lad. Coste et seigneurye de beaupré
concession d'iceluy tenant dun costé a Jean carron et dautre

Sur le S.' Richard du Mesnil escuyer aboutissante d'un bout
Sur le grand fleuue S.^ Laurentz et dautre sur les tenes Non
conceddes et a esté faict Conuention entre lesd. bailleur et

preneur qu'iceluy preneur trauaillera Incessamment Sur lad. concession
pendant ledict temps et a larpent duquel arpent il luy Sera
payé par ledict bailleur pour tene Nette La Somme de
Cinquante Liures tournoys et pour ensemencer chacque arpent
de terre La Somme de dix liures auec Moictyé dans lad.

terre et en oultre aduance ledict preneur audict bailleur La So'e
de Cent Cinquante Liures t'z en entrant dans Ladicte terre
tant en douse Minotz de ble forment Lard et anguille et

oustilz et Ustencilles qui1 Luy seront Necessaire Soblige aussy
Ledict bailleur de faire leuer et couurire Une grange sur
Ladicte concession dans Un an du Moys d'Aoust prochain
preste pour loger les grains et Soblige aussy ledict preneur
d'entretenir les Clostures et les Rendre en estat deub au bout

dudict temps de pareille Nature quilz sont a present et
pour le payement dud. trauail qui sera f't par led.
preneur sur ladicte ferme il en Sera payé du prouenu