Page 35 - Transcriptions d'actes notariés - Tome 19 - 1673-1685

lemplacement qui à esté donné aud. Sieur Couruille par Monsieur
le Vicomte d'argenson, par tiltre du Vintiesme octobre mil Six

cents cinquante neuf, Et L'emplacement non basty clos de
pieux Seulement par Contract de bail d'heriiage passé par pierre
denis escuyer Sieur de la Ronde, Au proffict dud. Sieur Couruille
Pardeuant Audoüart cydeuant Notaire en cette Ville, le Si~ie.~

Octobre mil Six cens Soixante deux, Estant lesd. Emplacemens,
Maison & lieux en la Censiue du domaine de Cette Ville, Et
chargé enuers lceluy de deux Solz de Cens payable par chacun an
Au Jour' & feste de Sainct Remy premier d'octobre au Receueur

dudict domaine, Comme aussi de Soixante Solz de rente fonciere
non racheptable payable par chacun an aud. Jour de Sainct Remy
premier d'octobre aud. Sieur denis de la Ronde Ses hoirs
& ayans Cause a laduenir, Pour touttes & sans autres

charges debtes ny hipotecques quelconques, francs Et quittes
Neanmoins des arrerages de Laditte Rente fonciere, Cens &
droicts Seigneuriaux de tout le passé Jusqu'au Jour de Sainct Remy
prochain, Pour de laditte Maison emplacement & lieux cy dessus

Vendus, Jouir, faire & disposer par ledict Sieur acquereur Sesd.
hoirs & ayans Cause comme de chose a luy apartenant de son
acquest au moyen des presentes, a Commencer laditte Jouissance

du douziesme Jour de Juillet prochain Venant en auant & à
tousiours, Cette presente Vente Cession , transport &
delaissement ainsi faicts a la charge desd. Soixante Sols de
Rente fonciere, & Sept Solz de Cens Seulement, Et outre
Moyennant La Somme de douze Cens liures de prix principal

& Celle de Cinquante liures de pot de Vin & espingles faisant
ensemble La Somme de douze Cens Cinquante liures,
Sur laquelle laditte Venderesse esd. noms a Confessé auoir

receu ce Jourd'huy comptant dud. Sieur Acquereur Celle de
Cent Cinquante liures en argeant monnoyé, Sy comme &c.
dont &c. Et des Unze Cens liures restant ledict Sieur Acquereur
promet & S'oblige d'en bailler & payer Sans aucun Interest,
Sçauoir au frere Joseph Boursier Relligieux de la Compagnie

de Jesus faisant les affaires du College de Quebecq, La
Somme de Cent Trente & Une liures Un sol, Et au Sieur