Page 165 - Transcriptions d'actes notariés - Tome 19 - 1673-1685

1 sep. 1680 Donation de Charies Montminy aux prêtres du Séminaire

1 septemb. 1680:
Pardeuant Romain Becquet no.re Royal &c. fut p'nt
en sa personne Charles Montmaynier serreurier demeurant de
present en cette Ville de Quebecq, Lequel Considerant que depuis
Un Longtemps II a Volonté de se donner entierement a dieu en luy
offrant Sa personne Son Industrie, Et trauail, et qujl ne pouuoit accomplir
son deseing plus aduantageusement qu'en Se donnant a quelque
Communauté Relligieuse pour y Viure et mourir en Rendant a dieu
et a la communauté tous les Seruice dont II Seroit capable, Ce qu'jl
N'auoit pü jusques a present estant marié, mais Sa femme estant
decedée, S'estoit Retiré par deuers Messieurs Les p'bres du Seminaire
des missions Etrangeres estably en cette Ville de Quebecq, Et Leur
auroit proposé de se donner Entierement a dieu & a leur Seruice pour
trauailler de sondit Mestier de serreurier le reste de Ses jours
Comme personne du Corps dud. Seminaire, Sur laquelle proposition
Et apres auoir Conferé plusieurs fois ensemble, Et aduisé aux moyens
de Rendre et tenir lad. donnation ferme & Solide a esté faict auec
Messires Henry de Bernieres p'bre grand Vicaire de Monseigneur
L'euesque de Quebecq & Superieur dud. Seminaire, Louis Ango
de Mezerets p'bre assistant, et pierre Thury p'bre procureur & faisant
Les affaires djceluy, Les Traitté, accords, et Conuentions qui
Ensuiuent, Cest a scauoir que led. Montmaynier S'est volontairem.'
donné & donne par Ses p'ntes au Seruice dud. Seminaire, promettant
dy Viure et mourrir paisiblement, Cette presente donnation faicte
Moyennant que lesd. sieurs de Bernieres, de Mezerets & thury
a ce presens & acceptans Tant pour eux que pour les au'es p'bres &
Eclesiasticques dud. Seminaire, ont Receu & Reçoiuent led. montmaynier
comme personne faisant nombre djceluy Seminaire, Qu'jl participera
aux prieres & bonnes Oeuures qui Sy feront, mesmes qu'jl y sera
Noury & entretenu d'habits Linges & au'es choses necessaires, selon Sa
Condition, Gardé et Soigné Seing et malade Tout le Reste de Ses jours,
Et a la fin djçeux Inhumé auec Seruices et prieres le tout aux despens
dud. Seminaire, Et attendu que led. Montmaynier A deux filles qui Sont
agées L'une de dix huit ans & I'au'e de Six ans, Lesd. Sieurs de Bernieres
de Mezerets & thury esd. noms Seront tenus & promettent de les faire
Nourrir et entretenir de tout Ce qui leur Sera besoin aux despens dud.
Seminaire, Jusq. a Ce qu'elles soient pourueues par mariage ou en religion,
a la Consideration de quoy led. Montmaynier a Cedé & delaissé en la
proprietté possession et jouissance dud. Seminaire Une habita'on a luy
apartenante Scituée en la Seigneurie de Repentigny conten.' ( bhnc )