Page 170 - Transcriptions d'actes notariés - Tome 19 - 1673-1685

en telle Sorte qu'aucuns besteaux ne puissent passer au trauers
Ce qu'arriuant II ne pourra pretendre aucuns despens
domages & lntherests pour le degats que pourroient y auoir fait
lesd. besteaux, Sera aussy tenu led. preneur de Conseruer debout
tous les arbres de bois de Chesnes qui Se Rencontreront Sur
lad. habita'on propres pour la Construction des Vesseaux,
Mesmes de mettre es mains dud. Sieur de beaumont aud.
nom dans un mois d'huy autant des presentes en forme a Ses
frais & despens, Et faulte par led. guyon preneur d'executer
Tout le Contenu cy dessus de point en point Selon Sa forme &
Teneur, la presente concession demeurera lors nulle & de nulle
Valleur & retournera au proffii du domaine de lad. Seigneurie
Sans que led. preneur puisse pretendre aucuns despens
domages & lntherests pour les trauaux qu'jl auroit faicts ou
faict faire Sur jcelle, Et en cas de Vente de lad. Concession
partie ou portion djcelle a laduenir led. Sieur de beaumont
aud. nom Se Reserue tant pour lad. dam.lle Couillard que
Ceux qui possederont lad. Seigneurie, le droit & faculté de
Retirer Içelle ou Ce qui en Sera Vendu touttes & tant de fois
que Vente S'en fera en Remboursant le prix principal & loyaux
Cousts de chacune Vente, Pour de lad. Concession en
Circonstances & despendances Jouir faire & disposer par led.
preneur Ses hoirs & ayans Cause de ce jour a laduenir
ainsy que bon leur Semblera au moyen des p'ntes & aux
Charges & Clauses y declarees, Car ainsy &c. promettant &c.
obligeant &c. Renonçeant &c. faict & passé a Quebec
estude dud. notaire Lan gbj.c quatre Vingt auant midy
Le deux.e Jour de Septembre, ez presences de M.'e Jean le
Vasseur Huissier Royal & du Sieur Nicolas Metru demeurans
aud. Quebecq apell6es pour tesmoins qui ont Signé auec lesd. Sieur
de Beaumont & notaire, Et a led. preneur declaré ne Sçauoir
escrire ny Signer de ce enquis Suiu'l lordonnance / + les terres ,

(signé) Couillart

(signé) De Beaumont (signe) Metru (par.)

(signé) Le Vasseur
(signé) Becquet (par.)