Page 132 - Transcriptions d'actes notariés - Tome 19 - 1673-1685

feront a laduenir aud. Hostel Dieu consentant lad. Dame
Couillard que lesd. Dames Relligieuses esd. Noms fassent
mesurer et arpenter Touttes lesd. Terres qui forment led.

Cymetierre Et aposer bornes a Icelles ou bessoin Sera pour Seruir
a laduenir ce que de Raison Constituant a Cet effect pour Son procureur
Le porteur des p'ntes auquel elle donne pouuoir de Se faire et d'en

requerir acte, Comme aussy en tout que besoin est ou Seroit lad.
dame Couillard a Ratiffié et aprouué d'habondant Lesd. Deux
contracts des Vingt Cinq.e Juillet Mil Six Cens Soixante et Un
et Neute octob. gbj.c Soixante et trois, Voulant qu'jls
Vaillent et Sortent Leur plain et entier effect en tout leur Contenu,

Et qu'a Cette fin quilz Soient cy besoin est auec les p'ntes jnsinuées
et registréez par tout ou jl apartiendra, dans le temps de l~rdonn.~~
Constituant pour Se Sujet, procureur le porteur &c. donnant pouuoir &c.,

Car ainsy &c., promettant &c., obligeant &c., Ren't &c., faicte et
passé a Quebeq au parloir exterieur dudit Hostel Dieu, Lan gbj.c
Soixante et dix Neuf auant Midy le Six.e jour de Nouembre
ez P'nce du sieur allexandre petit mar.ant & dud. Ph'le Gillet

demeurans aud. Quebecq apellées pour Tesmoins qui ont Signé
auec lad. dame Couillart, lesd. dames Relligieuses Susnommez et
notaire Suiuant Lordonnance, aprouué en Interligne, Un mot &
de bonne Valleur, Et en Rature Un mot de nulle Valleur 1

(signé) M g hebert

(signé) Sr Jeanne Agnes de St Paul

(signé) ale^.'^ Petit (par.)
(signé) J française de St Ignace
(signé) Ph. Gillet (par.)
(signé) Becquet (par.)