Page 92 - Transcriptions d'actes notariés - Tome 14- 1757-1764

21 nov. 1675 Quittance de Louls Bossé à Gilles Rageot en I'aqult de Noël Morin

Pardeuant Romain Becquet Notaire Royal
en la nouuelle france Resident en la Ville de Quebecq
et tesmoins soubzsignez fut p'nt en sa personne
Louis Bossé demeurant en cette Ville de Quebecq
Lequel a Recognu et confessé auoir eü & receu, ce
Jourd'huy comptant de M.re gilles Rageot Notaire
Royal en cette d. Ville, La somme de Vingt sept
Liures dix sols pour et en lacquit du sieur Noel
morin son Beaupere faisant le parfait et entier
payement de la somme de soixante six liures deüe
audit Bossé par Led. sieur morin pour plusieurs
trauaux faicts par led. Bossé sur une habita'on
scize sur le fief S.^ Luc en la Riuiere du sud qui
luy auoit esté concedée par led. sieur morin en la
possession de laqu'elle II est Rentré suiuant l'accord
Verbal faict entr'eux precedent ce jour, de laquelle
somme de soixante six liures led. Bossé tient
quitte ledit sieur morin et tous au'es, consentant
a cet effect ledit Bossé que touttes ordonnances,
sentences, et actes dattées auparauant ces
presentes faisant mention, de laditte habita'on,
des trauaux faicts sur Içelle, & de touttes choses
et differents qu'jl auroit eüs cy deuant auec
Led. sieur morin, soient & demeurent Nulles &
de Nulles Valleur, au moien de la presente quittance
promettant &c. obligeant &c. Renonçeant &c.
faict et passé aud. quebecq estude dudict
Notaire Lan Mil Six Cents soixante et
Quinze Auant midy Le Vingt uniesme Jour
de Nouembre, ez presences de Jacques martin
Clerc, Et de denis Le Clerc Sieur de lantuille
demeurans Audit Quebecq tesmoins qui ont
signé auec led. notaire, Et a led. Bossé declaré
ne Sçauoir escrire ny signer de ce enquis suiuant
Lordonnance /

(signé) Martin (par.)
(signé) Denis Leclerc (par.)
(signé) Becquet (par.)