Page 189 - Transcriptions d'actes notariés - Tome 14- 1757-1764

8 nov. 1677 Procès verbal de l'état des terres de Gabriel Gosselln et Françoise Lelièvre

Aujour'dhuy datte des presentes Auec & en la Compagnie
de Romain Becquet notaire Royal en la nouuelle france residant
en la Ville de Québecq & tesmoins Soussignez, Robert choret
Maistre charpentier habitant, & Anthoine Mandin aussi habitant

laboureurs demeurants en lisle &comté de Sainct Laurens, Experts
Nommez par le sieur gabriel gosselin habitant demeurant en lad. lsle
Tant en Son nom que Comme Tutteur des Enfans mineurs de luy & de deffuncte
françoise leliepure, & par Maistre Jean le Rouge Arpenteur Juré en ce

pays demeurant aud. Québec Subrogé tutteur ausd. mineurs pour
Voir Visiter et mesurer les terres dependant de la Communauté qui
estoit entre ledict Sieur Gosselin & ladicte deffuncte lelieure Sa femme
mere desdicts mineurs, ainsi qu'il est plus au long porté par la

Sentence de Monsieur Le Lieutenant General Ciuil Et Criminel de la
preuosté Royalle dud. Quebecq du cinquiesme Jour de ce present
mois, au bas de laquelle Est lacte de prestation de Serment
faict par lesd. experts pardeuant Mondit Sieur le lieutenant

general du sixiesme de cedit present mois, se sont transportez
en la ditte lsle & Comté de Sainct Laurens, en la maison Et habita'on
ou demeure de present led. Sieur gosselin Lequel Choret nauoit esté
Nommé par ladicte Sentence que pour charpentier, mais Thomas

Rousseau nommé pour laboureur n'ayant pû se trouuer pour faire lesd.
Visittes & mesure, lesdicts sieurs Gosselin & le Rouge esd. noms ont
requis ledict Choret de faire Conjointement auec led. Mandin la Visitte
& mesure desd terres, ausquelles II ont proceddé auec & en la presence desd.

Sieurs Gosselin & le Rouge esd. noms en la maniere & ainsy qui1 ensuit,

Prem ierement

Sur Une habitation Scize au Village de Beaulieu contenant quatre
arpans de front trauersant lad. lsle &Sur une autre habitation y
Joignant acquise par led. Sieur gosselin de Jacques Bernier dit
Jean de paris aussy trauersant lad. Isle, laquelle a un arpent de
front par un bout, & deux arpens par lautre, a esté trouué

soixante Et quatorze arpens ou Enuiron de terre labourable