Page 191 - Transcriptions d'actes notariés - Tome 14- 1757-1764

a la charue dont la plus grande partie est de peu de Valleur
mesurez par led. Sieur le Rouge a la requisition & en la
presence desd. experts Comme dict est, Et le Surplus desd.

Cent arpens en fredoches, bois taillis & Costeaux de
Rocher de nulle Valleur,

ltem Sur une autre habitation Scituée au fief de Mesnu en
laditte lsle Joignant Celle de Louis Ciuadier, Contenant
Trois arpens de front, a esté trouué huict arpens ou Enuiron
de terre en Valleur, ou la charue a passé pour les labourer

Une fois, &qui sont encore Couuertes de souches, qui ont esté
mesurez comme dessus, & le Surplus de lad. habitation planté
en hauR bois,

ltem sur une autre habitation Scituée aud. fief de Mesnu
Acquise du Sieur Vincent Poirier, Contenant Six arpens de
front en arriere fief, & Sur une autre habitation y Joignant
Contenant deux arpens de front en roture acquise des pauures

de lhostel Dieu de Québecq representant françois Boyuin
A esté trouué dix arpens ou Enuiron de terre labourable a la
pioche, Et quatre arpens ou Enuiron de bois abattu &
debitté dont II y en à enuiron le tiers de bruslé, ou II y a

plus que les gros arbres, le tout mesuré par led. Sieur
le Rouge, Comme dit est cy deuant, Et le Surplus desd.
deux habitations planté en haut bois,

Touttes lesquelles estimations ont esté faictes par lesd.
Choret & Mandin habitans laboureurs experts Nommez
comme dict est en leurs ames & Consciences ainsy qu'ils
l'ont dict & affirmé ausd. notaire & tesmoins, dont Et de

quoy lesd. Sieurs Gosselin & le Rouge esd. noms ont requis
Acte ausd. Notaire & tesmoins qui leur ont accordé le
present pour leur Valloir & Seruir Ce que de raison, Ce
fut faict & passé en lad. lsle & comté de Sainct Laurens