Page 105 - Transcriptions d'actes notariés - Tome 14- 1757-1764

1 1 mai 1676 Procuration par les R. M. Hospitalières à ( blanc ) pour la distribution
de leurs terres en concessions

A Tous ceux qui ces presentes

Lettres Verront Salut Scauoir faisons que
pardeuant Romain Becquet Notaire garde

nottes du Roy Nostre Sire en la nouuelle
france resident a Quebec Et tesmoins en fin
nommez furent presentes en leurs personnes
Reuerendes Meres Marie Renée de la natiuité
Superieure du monastere des Religieuses de

L'Hostel dieu de la Misericorde de Jesus de
cette Ville de Quebecq, et Jeanne Agnes de
Saint Paul Econome & administratrice du bien

des Pauures dud. hostel dieu Lesquelles
faisant pour lesd. Pauures ont de laduis
et consentement de Messire Jean dudouyt prestre
Superieur dudit Hostel dieu, fait et constitué
leur procureur g'ral special (

blanc ) auquel elles ont donné &
donnent pouuoir de pour & au nom desdits
Pauures conceder tout ou partie des terres
de la seigneurie de Saint Charles des Roches

scituée Vis a Vis des grondines contenant
Une lieue trois quarts de lieue Scauoir depuis
La seigneurie de sainte anne en descendant Vers
Quebecq, Jusques a celle du sieur de la cheurotiere

a eux apartenante, den donner paf Et conceder par
led. procureur a chacune personne tel nombre de
front sur le fleuue Saint Laurens qui1 aduisera

bien sur quarente arpens de profondeur aux
charges et conditions suiuantes qui seront que
les preneurs leurs hoirs & ayans cause seront
tenus de payer par chacun an au jour & feste
de Saint Remy premier d'octobre au manoir

Seigneurial de ladite Seigneurie Vingt sols