Page 109 - Transcriptions d'actes notariés - Tome 13 - 1757-1764
P. 109
&au deuant de lad. Concession, Sans neanmoins
que lad. damoiselle Ses hoirs & ayant Cause Soient esclus
du droit de chasse &de pesche Sur & audeuant de lad. concession
quand bon leur Semblera, Sera led. Bouchard obligé de porter
Ses grains mouldre aux moulins & Cuire aux fours banals
de lad. Seigneurie Lorsquil y en aura de Construits, Comme aussy
de Souffrir passer Sur lad. concession tous les chemins qui
Seront jugez necessaires par lad. damoiselle ou par Ses
officiers, Et de plus pour Euiter a proces & entretenir
amitié entre Led. Bouchard Et Ses Voisins II Sera obligé
de Clorre le deuant de lad. concession jusques a Un chemin de
dix huit pieds qui Sera tiré Sur le bord dud. fleuue a plus
haute maréé en telle Sorte que aucuns bestiaux ne puissent
passer au trauers, ce qu'arriuant II ne pourra pretendre
aucuns despens domages & Interests, pour les delits
& degats que pourroient faire Lesd. bestiaux, Jouira
aussy Led. Bouchard des prairies qui Sont Sur les
battures dud. fleuue au deuant de lad. Seigneurie que la
Marée Couure pour pasturer Ses bestiaux coniointement
auec ceux de lad. damoiselle & des autres tenanciers de lad.
Seigneurie & pour tenir lieu de Commune, sera pareillement
tenu Led. Bouchard, de Conseruer debout tous les arbres
des bois de chesnes qui Se rencontreront Sur lad. concession
propres a la construction des Vaisseaux mesme de mettre
a Ses fraiz & despens ez mains de lad. damoiselle dans
deux mois dhuy autant des presentes en forme, ou de
payer & rembourser ce quelle auroit frayé & desboursé
pour jcelles, Et a faute par led. Bouchard, dexecutter tout
le contenu cy dessus de point en point Selon sa forme &teneur
La presente Concession demeurera lors nulle & de nulle Valleur,
Et Retournera au proffit de lad. damoiselle ou Ses representans
possedans Lad. Seigneurie, sans que led. bouchard puisse
pretendre aucuns despens domages & lntherests pour
Les trauaux qui1 auroit pu faire Sur jcelle, Pour jouir de
la presente Concession par led. Bouchard Luy ses hoirs
& ayant Cause a perpetuitté & en toute proprietté, en faire
