Page 77 - index

3 déc. 1651 Accord entre Léonard Leblanc et Jean Juchereau S.' de la Ferté

Fust p'nt En sa personne Leonard Leblanc Masson trauaillant
de p'nt a Québecq Lequel Volontairement pour Se Redimer

et Liberer de Certains Jugement Emané de Messire Louis
dailleboust cydeuant Gouuerneur de ce pais en datte du ( blanc )
Aoust en cette p'nte Année Mil six cent Cinquante et Ung Icelle
Confirmée par Monseig'r de Lauson a p'nt Gouuerneur et Lieutenant

G'ral pour le Roy en ce pais de La Nouuelle france Rendue
au profict de Jehan Juchereau S.'de Laferté A faict Laccomoda'on
et accord qui ensuit auec Led. S.'de Laferté Cest a scauoir que Led.
Leblanc sest obligé et Soblige par céz p'ntes de Rendre Seruice

aud. S.'de Laferté Jusques au premier Jour de septembre de lannée
que Lon Comptera Mil Six Cent Cinquante deux lceluy seruice
faire et obseruer en toutes Choses g'rallement quelconques qui luy
seront Commandes tant par led. S.' de Laferté que sa fem'e Icelles

Concernants leur seruice et ce sans aulcun contredit A condition
que Led. S.' de Laferté Soblige pendant lceluy temps lceluy Nourir
gratis sans luy en demander aulcune chose com'e aussy lindamniser
et deschargér Led. temps expiré de toutes poursuittes tant amendes

que Journées contenus en lceluy Jugement sans prejudiciér toutes
fois aus pretentions de deux Canots que Led. S.'de Laferté pretend
luy estre deubs par led. blanc et en cas de discontinuation de seruice
par led. Lebland Led. temps expiré demeure daccord Led. blanc

quiceluy Jugement demeure en Son entier force et Valeur Car ainsy
a esté entre Les pariyes en Lestude du Nottaire Royal A Québecq
soubsigné Promettant Obligeant Led. Leblanc soubs lobliga'on

de ses biens et mesme de sa personne si besoing est Renonceant
Le troiziesme Jour de decembre mil six cent Cinquante et Ung
en p'nce de honorable hom'e Mathieu huboust hab.ant demeurant
Aud. québec et francois Creuier Clerq tesmoings lesquels
ont Signé auec Les parties et A led. Le blanc declaré ne scauoir

escrire ny Signer de ce enquis Suiuant Lordonnance

(signé) Juchereau La ferté (par.) (signé) françois Creuier

(signé) M huboust (par.) (signé) Audouart (par.)