Page 75 - Transcriptions d'actes notariés - Tome 19 - 1673-1685

obligez de Le parfournir si le supleement estoit Considerable Et si1
se rencontroit qui1 y eust plus ou moins que Lad. quantité de terre
Lesd. rentes diminueront ou S'augmenteront a proportion, plus

sera led. preneur obligé d'auoir et tenir feu & lieu ou autre pour luy
Et de trauailler Incessamment sans discontinuation au desfrichement
et Culture des terres de Lad. Concession, de porter ou enuoyer Ses
grains moudre a Un des moulins banals de Lad. seigneurie Sans

qui1 luy soit Loisible ny qui1 les puisse faire moudre a autres
moulins qu'en payant Le droit de mouturage ausd. Reuerends
peres, ou a ceux qui auront les droicts, se reseruent lesd.
Reuerends peres tant pour eux que pour leurs Successeurs le

droit de pouuoir retirer Lad. Concession en Cas de Vente d'jcelle
en remboursant le prix principal & loyaux Cousts, Comme aussy
La liberté tant pour eux Leurs successeurs que pour les Sauuages &autres
qui auront pouuoir d'eux de prendre en toute Lad. Concession du bois

tant de charpente que de Chauffage selon les besoins quils en
pourroient auoir, mesme si1 se trouue en quelque endroit de Lad.
Concession Un lieu que Lesd. Reuerends peres Jugeassent propre pour y
bastir Un moulin, en ce cas Ils se reseruent Un demy arpent de terre

en cet endroit la, Toutesfois en payant aud. preneur les frais qui1
auroit fait pour desfricher Led. demy arpent, Et en outre sera tenu Et
s'oblige led. preneur de descouurir Lun & Lautre de ses Voisins a feur
et mesure qui1 en sera par eux requis, de faire Liurer et entretenir en

bon & deub estat les chemins qui seront Jugez necessaires sur lad.
Concession pour la Commodité publique, de rembourser Lesd.
Reuerends peres des frais quils ont faits ou quils pourroient
faire cy apres, a faire tirer les alignements de Lad. Concession Et de

Leur fournir en forme autant des presentes ou leur rendre ce quils
auroient payé, Et en outre Led. preneur ses hoirs et ayans Cause Seront
tenus et obligez d'executer touttes et chacunes les Clauses du present

contract de Concession faute de quoy II sera libre ausd. Reuerends peres
de rentrer en la possession de Lad. Concession de plain droict sans aucune forme
de procès, Et sans rien rembourser pour les trauaux que led. preneur