Page 75 - Transcriptions d'actes notariés - Tome 13 - 1757-1764

26 fév. 1673 Réparation d'honneur par Françols Noël et Nicole Legrand à Jean Paulin et Jeanne Bardé

Pardeuant Romain Becquet Notaire Royal &c.
Sont parus en leurs personnes françois Noël hab.t dem.t
en ljsle dorleans Et Nicolle Legrand sa femme de luy bien

et deuement authorisée pour f'e et passer qui ensuit, Lesquels
de leurs bons grées & Volontées Sans aucune force ny
contrainte, ont recognu & confessé, qujl y a ce jourd'huy huict
jours que faucement et malicieusement Sans aucune Cause ny

Subjet auroient dit a diuerses personnes que Jeanne bardé femme
de jean paulain habitant de lad. Isle leur proche Voisin, estoit
une putain et qujls L'auoient trouuées couchées auec un garson;
Ce qujls ont recognu et recognoissent par ces p'ntes estre faux

et suposé, Et que Malicieusement Ils ont accusé lad. bardé
dud. crime, La Recognoissant & Sond. mary pour gens de
bien et d'honneur & Sans aucun reproche, priants lesd.
paulin & bardé sa femme de leur pardonner Cette faute,

Lesquels paulin & bardé sa femme a ce presents auroient
pardonné Cette faute ausd. noel & legrand Sa femme auec
promesse d'oublier tout Le passé, a la Charge toutte fois
que iesd. noel & Sa femme se dediront de lad. accus'ion et

Recognoisseront a iaduenir lesd. paulin et bardé Sa femme pour
gens de bien et d'honneur touttes fois et quantes qujls en
Seront requis par deuant et en presence de telles personnes
que lesd. paulin et sa femme jugeront a propos, Et qujls

Ne feront a laduenir tort perte ny medisance allencontre
des personnes, honneur & biens desd. paulin & Sa femme
Sur payne de deux cent Iiures qujls Seront tenues

de leur payer ou a l'Un d'Eux, sans prejudice touttes fois
aux lntherests du Roy nostre Sire & du publicq, Sans ~es~.l~~
Clauses le present n'auroit esté faict, Car ainsy &c. promettant &c.
obligeant lesd. noel Et le grand Sa femme Sollidairement &c.
Renonceant &c. faict et passé aud. Quebecq en lhostel

de Monseigneur Le Conte de frontenac Gouuerneur
de ce pais, Lan gbj.c Soixante traize apres midy