Page 64 - Transcriptions d'actes notariés - Tome 13 - 1757-1764

5 fév. 1673 Concession de Geneviéve de Chavigny, Ve de Charles Amioc a Jacques Bernier

dit Jean de Paris
5. feb. 1673.
Pardeuant Romain Becquet No're &c. fut presente
en sa personne damoiselle Geneuiefue Chauigny Veufue du feu

sieur Charles amyot dame de la Seigneurie de Vinselot demeurante
en cette Ville de Quebecq, Laquelle a Volontairement donné & concedé
Et par ces presentes donne & concede a Tiitre de cens & rente
seigneurialle de ce jour a laduenir, a Jacques berniers dit jean de

Paris habitant demeurant a ljsle d'orleans a ce present Stipulant &
acceptant aud. Tiitre pour luy Ses hoirs &ayant Cause, Cest a
sçauoir une concession en lad. Seigneurie de Vinçelot contenante trois

cent Soixante arpens de terre Complantez en haut bois Ez Neuf arpents
de front sur le bord du fleuue Saint Laurens sur quarente arpents de
proffondeur, bornée d'un costé a ( bhnc
) dun bout pardeuant sur led. fleuue
saint Laurens & dautre bout la ligne ou routte qui Separera lad.

proffondeur d'auec les autres terres de lad. seigneurie, La presente
concession faite par lad. damoiselle de Chauigny aud. Jacques
berniere aux Charges Clauses & conditions cy apres declarées;

scauoir que led. berniere Sera tenu promet & soblige de payer lad.
Damoiselle de Chauigny Ses hoirs & ayans cause de ce jour a
Laduenir par chacun an La somme de dix huit liures en argent
& neuf chapons Vifs de rente Seigneurialle & un sol de Cens pour touite
lad. concession, Lesd. cens & rentes portant lots & Ventes, Saisines & amende

Suiuant la coustume de la Ville preuosté Et Vicomté de Paris, quand le
cas y eschera, Le tout payable par chacun an au jour & feste de Sainct
Remy chef doctobre au manoir Seigneurial de lad. seigneurie, Plus

d'auoir feu & lieu sur lad. concession ou autre pour luy dans lan & iour
du datte des presentes, Comme aussy de sy bastir, resider, & trauailler
sur Icelle Incessamment, Jouira Led. Jacques berniere luy ses hoirs
& ayant Cause du droit de chasse & de pesche au dedans &au deuant de

lad. concession, Sans neantmoins que lad. damoiselle Ses hoirs &
ayant cause, soient exclus du droict de chasse & de pesche Sur & au deuant