Page 27 - index

10 avr. 1666 Vente par Mane-Guillemette Hébert à Mgr Françols de Laval

Pardeuant Romain Becquet Notaire Royal en la
Nouuelle france, et tesmoins soubz signez fut presente en sa personne
Guillemette Hebert Vefue de deffunct le Sieur Guillaume Couillard
habitant de ce pays, la quelle de son bon gré pure et franche
Volonté, sans aucunne force, ny contrainte a confessé auoir Vendu

quitté, cedé et delaissé, et par ces presentes, Vend, quitte, Cedde
et delaisse du tout des maintenant, et a tousiours pour elle ses
hoirs, et ayant Cause, et promis garantir de toutes debtes, et
hipoteques, troubles et empeschemens generalement quelsconques
a Monseigneur Lillustrissime, et Reuerendissime francois de
Laual Euesque de petrée Vicaire Apostolique en toute la
Nouuelle france, et nommé par le Roy premier Euesque du
dit lieii a ce p'nt et acceptant pour luy, ses heritiers Et ayant
Cause, Cest a sçauoir un fief noble, et enclos de terre en la
haute Ville de Quebec, sur lequel y a maisons, et estables
Jardins et terres Labourables borné d'un costé aux terres de
L'Eglise qui les separe par la closture qui est entre les deux,
dautre costé le long de la grande Riuiere S.^ Laurents et de
Celle de S.^ Charles d'un bout aux terres du sieur dauteuil
et dautre bout au clos des R.M. hospitalieres, et aux autres
terres appartenantes a la ditte dame Couillard qui les separe
par un petit ruisseau qui descend dans le clos des dittes
R.M. hospitalieres, et generalement tout ce qui est contenu
dans led. enclos de terre quelle a dit luy competer et
appartenir accause de la succession du feu Sieur Louis hebert
son pere auquel auoit esté concedé ledit fief et enclos de
terre par le tiltre de concession et donation qui luy en auoit
esté faitte par feu Monsieur le duc de Vantadour pour lors
Vice Roy pour Sa Maiesté de ce pays Coppie duquel contrat de
concession auec les autres papiers concernant Icelle, lad. dame
Couillard a promis mettre ez mains de Monseigneur LEuesque
pour en Jouir par luy ses heritiers, et ayant cause tout ainsy
que led. feu Sieur hebert, et la ditte dame Couillard en ont jouy
Cy deuant Suiuant led. contrat de concession, et ainsy qui1 auisera
bien estre au moyen des presente. Cette Vente, cession, et transport
ainsy fait pour et moyennant le prix et somme de huict mil liures
tournois du nombre de laquelle somme il en a esté presentement payé,
compté et nombré a la ditte dame la somme de mil liures en louis