Page 126 - index

7 oct 7 663 Contrat de mariage entre Jean Lepicard et Madeleine Gagnon

Par deuant Claude Auber Nottaire et greffier en la
Coste et Seigneurye de beaupré et tesmoingtz Soubzsignez
Le dimanche Sept.e jour d'octobre gbi.c Soixante et troys
Furent presentz en Leurs personnes Jean piccard habitant
en cested. coste et Seigneurye filz et heritier de M.re pierre
piccard et de Regnee Suronne Ses pere et Mere aussy
habitant en Icelle coste et Seigneurye dune part et Marie
lkiagdeleine Gasgnon fille de Mathurin Gasgnon et de
francoise Goudeau Ses pere et Mere aussy habitantz en Icelle coste
Lesquelles partyes Sur ce bien Conseillee et aduisee
ont de Leur bonne Volonté et franche Liberté Recongneu
et par ces presentes Recongnoissent Sestre promis par Cesd.
presentes promettent prendre L'un Lautre par foy et Loy de
Mariage qui au bon plaisir de dieu Sera faict et accomply
en face de Nostre Mere s.te Eglise Catholique Apostolicque
et Romaine le plustost que faire Ce pourra et ainsy qui1
Sera desliberé entreux et Leurs parentz et amis assistez
diceux a Scauoir Led. jean piccard dud. pierre piccard
son pere de Lad. Suronne sa Mere du S.' Estienne lessard
de Jean Carron son beau frere et du S.' Richard du Mesnil
escuyer et tous habitantz et Ladicte Gasgnon assistee dud.
M.re Mathurin Gasgnon et de lad. Goudeau ses pere et Mere
de M.res Jean et pierre dictz Gasgnon ses oncles de Jean doyon
Son beau frere de Joseph Mascé Grauelle Son Cousin dud.
Jean Carron aussy Son Cousin et de Vincente deuarieux femme dud.
pierre Gasgnon sa tante Lesquelles partyes assistee comme
dict est de Leurs Susd. parentz et amis et a lauctorisa'on diceux
Se Sont promis et promettent Les Choses cy dessus declaree
Et en faueur dudict Mariage les pere et mere de lad.
fille donne ausd. futurs espoux la Veille des espousailles
Une Vache un Cochon nourritureau une Couuerture de lict
auec quatre Linceux Six Nappes et 4ix douse Seruiettes deux
plactz deux assiettes demye dousaine de Cuillere le tout
destain un habit de gris brun auec Une Cotte de Rattine
Rouge et le tout Sans prejudicier Leurd. fille de leur Succession
Seront les futurs espoux en Communs biens Meubles
et Immeubles Conquestz et acquestz Immeubles Sera douée
Ladicte future espouse du doüaire coustumier Selon
La Coustume de La preuosté et Viconté de Paris a quoy
ce pays y cy est Regy ou de La Somme de Cinq Centz Liures
pour Une foye payer a Son choix et option Et en Cas que
Led. futur espoux allast de Vye a decedz Le premier et Sans