Page 123 - index

25 juin 1663 Vente par Nicolas Huot dit Saint Laurent et Marie Fayet à Julien Fortin

Par deuant Claude Auber Nottaire et Greffier
en La Coste et Seigneurye de Beaupré et tesmoingtz
Soubsignez Le Lundy Vingt Cinq.e Jour de Juin gbi.c
soixante et troys Furent presentz en leurs personnes
Nicollas huot S.' de S.t Laurentz et Marie fayet sa
femme de Luy deubement auctorisée pour leffect des
presentes habitantz et demeurantz en Ladicte Coste et seigneurye
proche Le Chasteau Richer Lesquelz de Leur bon Gré
pure franche Liberté et Volonté ont Recongneu et
Recongnoissent par ces presentes auoir Ced. Jour Vendu
quitté Ceddé delaissé et transporté Vendent quittent
Ceddent transportent et delaissent du tout des Maintenant
et a tousiours garantissent faire joüir sans aucuns
troubles Ny empeschementz quelconques le S.' Jullien
fortin de bellefontaine a Ce present et acceptant lad.
Vente pour Luy ses hoyrs et ayant Cause Cest a Scauoir
Une Maison Scise et bastye audict lieu du Chasteau Richer
sur le nombre de ( blanc ) perche de terre tant en longueur
qu'en Largeur suiuant le Contract de Concession qui en sera
obtenu par led. S.'Vendeur et Sadicte femme de M.rS les
Marguilliers de Leglise Nostre dame du Chasteau Richer
ou autres ayant pouuoir Lequel Contract et tiltre de Concession
il Mettront touttesfoys et quantes es Mains dud. S.' acquereur
Garantissant Lesd. Vendeur Ladicte Maison leur Competter
et appartenir par acquestz par Luy faict du S.' francoys
fortin habitant et Chirurgien en Ceste d. Coste et seigneurye
Icelle Maison et Concession despendante de Ladicte esglise
et en oultre Chargée enuers Icelle esglise de La somme de
Neuf solz de La perche payable annuellement es Mains desd.
Sieurs Marguilliers ou leurs successeurs au jour et feste de
La Visita'on Nostre dame deux.e jour de juillet, Laquelle Somme
de ( blanc ) de Rente fontiere et lrracquitable Sera payée
pour laduenir par led. S.' acquereur ses aeqwtkm hoyrs et ayant
Cause et en acquittera Led. S.'Vendeur Sy bien et a temps qui1
Ne luy en arriuera aucune perthe Ny dhommage €t fut
La presente Vente faicte par le prix et Somme de six
Centz Liures t'z payée presentement Comptant par led. S.'
acquereur aud. S.'Vendeur et Sad. femme tout pour demeurer
quitte du Restant des deniers deubs par led. S.' Vendeur aud.
Sieur acquereur a Cause de La Vente et Cedda'on de Certaine
concession Ceddée par led. Sieur francoys fortin Chirurgien aud.
Sieur de S.^ Laurentz par Contract passé pardeuant Nous precedent