Page 115 - Transcriptions d'actes notariés - Tome 14- 1757-1764

Jugez necessaires par led. seigneur ou par ses officiers, Et de
plus pour euiter a proces & entretenir amitié entre led. Prou
& Ses Voisins II sera obligé de Clore le deuant de lad. habita'on
Jusques a Un Chemin de dix huit pieds qui sera tiré sur le bord
de La greue a plus haute marée, En telle sorte qu'aucuns
bestiaux ne puissent passer au trauers, ce qu'arriuant II ne pourra
pretendre aucuns despens dommages & lnterests pour les delits
& degats que pourroient faire lesd. bestiaux, Jouira aussy Led.
prou des prairies qui sont sur les battures dud. fleuue S.^
Laurens audeuant de lad. seigneurie que la marée Couure pour
pasturer ses bestiaux Copjointement ceux dud. seigneur, les
autres tenanciers de lad. seigneurie & ce pour tenir Lieu de
Commune, Et sera aussy led. Prou tenu & obligé a ses frais
& despens de mettre ez mains dud. seigneur dans trois mois
d'huy pour tout delay autant du present, Et a faute par ledit
Prou dexecutter tout le Contenu cy dessus de poinct en poinct
selon sa forme & teneur, La presente Concession demeurera lors
nule & de nule Valeur, & retournera au profi dud. seigneur
bailleur, sans que led. Prou puisse pretendre aucuns despens
dommages & lnterests pour les trauaux qui1 auroit pu faire
sur Icelle, Pour Jouir de la presente Concession par led. Prou
Luy ses hoirs & ayant cause a perpetuité & en toute proprietté
en faire & disposer ainsy que bon luy semblera au moyen des
presentes, Car ainsy &c. Promettant &c. obligeant &c. Renonceant &c.
Chacun en droit soy &c. fait et passé a quebec estude dud.
notaire Lan gbj.c soixante seize le sixiesme Jour doctobre
apres midy Ez presence destienne Marandeau & de Jacques
Martin demeurans aud. Quebec tesmoins qui ont signé auec
Led. sieur de LEspinay & notaire Suiuant Lordonnance Et a led.
prou desclaré ne Scauoir escrire ne Signer approuue en Interligne
deux mots de bonne Valleur & en rature trois mots de nulle Valleur

(signé) Louis Couillart

(signé) Martin (par.)
(signe) Marandeau (par.)

(signé) Becquet (par.)