Page 32 - index

15 juin 1670 Marché entre René Vandet et Pierre Normand, dit iabrière

Pardeuant Romain Becquet Notaire Royal en la
Nouuelle france Resident en la Ville de Quebecq & tesm's
soubzsignez, fut p'nt en sa personne René Vendé

Volontaire trauaillant demeurant de present en ce pais,
Lequel de son bon gré, sest Volontairement engaigé
Sera tenu, promet & soblige par ces presentes, de faire &
parfaire, Tous & chacuns les ouurages qui ensuiuent,

Pour et au proffit, de Pierre le Normand Sieur de la
Briere Maistre Taillandier, bourgeois de Cette d. Ville
de Quebecq y demeurant A ce present, Stipullant &

acceptant, Cest a Scauoir d'abattre, debitter, brusler &
Nettoyer Suiuant la Coustume de ce pais, Quatre
Arpens de bois Sur la terre dud. Sieur de la Briere
Scize en la Coste de lauzon au lieu qui luy sera Indicqué,
dont II S'en tient pour Comptent & Satisfaict pour

auoir le tout Veu & Visité, Et ce dans Les Semenes
prochaines de lan Mil Six cens soixante & Unze;
a payne de tous despens d'homages & Intherests. Ce
present Marché faict moyennant La Somme de

Vingt huict liures pour chacun arpent qui seroit po'r lesd.
quatre arpens La Somme de Cent douze Liures tournois,
que led. Sieur de la briere sera tenu promet & S'oblige,
de bailler & payer, audit Vendé a fur &A mesure que

Le trauail sauancera, Et à esté arresté entre les
parties que led. Vendé sera tenu & obligé d'ensemencer
Ausdictes semences prochaines, les dicts quatre arpens

de terre pour Le sallaire duquel trauail de semence
II aura a Son proffict le tiers de tout le grain qui
en prouiendra, Et aussy pour cet effect tenu d'en faire
La Recolte & de battre tout led. grain, En luy fournisant