Page 49 - index

2 sep. 1657 Obligation de Louis Jobidon B MM. Pépin etde Lamothe

Par deuant Claude Auber Notaire et greffier
en la Coste et Seigneurye de beaupré et tesmoingtz
Soubz Signez le dimanche deux.e Jour de Septembre
mil Six cenk Cinquante et Sept Fut present en
Sa personne Louys Jobidon demeurant en Ladicte coste
et Seigneurye de beaupré Lequel de sa bonne Volonté
et Sans aucune Contraincte a Recongneu Confessé
Recongnoist Confesse par ces presentes debuoir et
promet payer en argent Castor ou billetz Vallable
au prochain Nauire Venant en Ce pays en Lan que
Lon Comptera gbi.c quarante et huict et prochainement
Venant a Messieurs pepin et de La Motte de present
marchandz et demeurantz en La basse Ville de Quebec
en La Nouuelle france a leurs ordre ou au porteur
de La presente Cest a Sçauoir La Somme de Cent
quatorze Liures t'z Ladicte Somme Causée pour Vente
et Liurement de Marchandise Vendue et Liurée par
Lesd. Sieurs Marchandz audict Jobidon precedent ce Jour
et donc il se tient a Comptent et bien Liuré et a Ce
Soblige lceluy Jobidon par tous ces biens Meubles
et heritages presentz et aduenir et ceux de Ses hoyrs
et Mesmement par Corps Sy besoin est Ce fut Pt et
passé en lestude dud. Notaire Lan et Jour que dessus
es presences de Guillaume Marescot et Jean Rousselot
tesmoingtz lesquelz ont auec Moy Notaire Soub Signé Signé
a la presente Minutte et a ledict Jobidon dict et declaré
ne Scauoir escrire Ny Signer de ce Interpellé Suiuant
Lordonnance

(signé) Marescot (signé) Jan Rousselot

(signé) Auber Nott. (par.)