Page 20 - index

10 déc. 1652 Vente de Jean Plante et Française Boucher à Urbain Beaudry et Madeleine Boucher

Par deuant Claude Auber Notaire et greffier
en la Coste et Seigneurye de beaupré apres Midy
Furent presens en Leurs personnes Jean plante
et françoise boucher Sa femme habitantz en Lad.
Coste Lesquelz ont Recongneu et Recongnoissent
auoir de Leures propre Volonté et franche liberté
et Sans aucune Contraincte auoir quitté Ceddé
et delaissé quitte cedde et delaissent affin dheritage
tant pour eux que pour Leurs hoirs A Urben
baudry et a Magdelene boucher Sa femme Cest
a scauoir douze perche de terre de front Sur le
grand fleuue S~ Laurens que lesd. plante et boucher
ont detache de Leur habita'on pour Laccommodement
dud. baudry et sad. femme qui butte dun bout Sur led.
grand fleuue et dautre bout sur les terres non Conceddees
jouxte d'un Costé sur le Restant de la Concession dud.
plante et dautre Costé sur led. baudry et Sad. femme
et fut Le present delay ft par ledict plante
et Sadicte femme audict baudry et aussy a sad. femme
au Moyen que led. baudry et Sad. femme payront
audict plante ou a Ces ayant Causes des Rentes au
prorata de La Rente que faira ou sera teneu faire
La Concession dud. plante et ainsy que sera porté dans
son Contract et donne ledict plante et Sadicte femme
audict baudry et aussy a sad. femme tous et tel droict
quilz auront dans lceluy leur Contract en exemption
de touttes autres Choses promettant lesd. partyes
Ce present garder de tous poinctz a quoy ilz
Sobligent Respectifuement Lun Vers Lautre
par Corps et biens Ce fut ft et passé en
en La Maison et demeure dud. plante Ce dix.e
jour de decembre mil Six Cents cinquante deux