Page 193 - index

12 mars 1666 Vente par Guillaume Baucher i) Pierre Loignon

Par deuant Claude Auber Nottaire Royal
en La Nouuelle france et tesmoingtz Soubsignez le
Vendredy d0use.e Jour de Mars gbiec Soixante et Six
Fut present en Sa personne Guillaume Bauché habitant
en Lisle dorleans Lequel de son bon gré pure franche
Liberté et Volonté et sans aucunes Contrainctes a
Recongneu Confessé Recongnoist et Confesse par Sesd.
presentes auoir Cedict Jour Vendu quitté Ceddé
delaissé et transporté Vend quitte cedde transporte
et delaisse du tout des Maintenant et a tousiours
garanty faire Joüir Sans aucuns troubles Ny
Empeschementz quelconques Pierre Loignon aussy
habitant en Ladicte lsle a Ce present et acceptant
pour Luy Ses hoyrs et ayant Cause Cest a Scauoir
Une Concession et habita'on Scise en lad. lsle du Costé
du Nord en La Seigneurye de tiret abboutissante
dun bout Sur le grand fleuue S.^ Laurent et dautre
bout Sur La Ligne ou Routte qui Sera tiree
au parmis de Ladicte lsle de poincte en poincte
Icelle Concession estant de troys arpentz de front
tenante d'Un costé aud. acquereur et dautre Sur
Guillaume Landry garantissant Led. Vendeur Sad.
terre Concession et habita'on estre tenue des fiefz et
Censiue de Ladicte Seigneurye de tiret et Chargée
enuers Les Seigneurs d'Icelle Seigneurye de La Somme
de Vingt Solz tournoys de Rente Seigneurialle douse
deniers de Cens Le tout par Chacun an et par Chacque
Arpents de front et deux Chappons Vifs pour toutte
La Concession et le tout payable a la Recepte de lad.
Seigneurye en Lhostel Seigneurial dud. tiret ou autre
Lieu qui1 sera Indicqué touttes Lesquelles Rentes
et debuoirs Seigneuriaulx Seront faites payée et
acquittée par led. Acquereur pour Laduenir et en acquittera
et deschargera Led. Vendeur Sy bien et a temps qui1 Nen
Sera aucunement Inquietté ny Recherché et Ne luy
en arriuera aucune perthe Ny dhommage Comme aussy
suiura tous Les autres poincts et Charges Led. Acquereur
qui Sont portes par le Contract de tiltre de Concession
Lequel Sera Mis par led. Vendeur es mains dudict acquereur
pour le Suiure de poinct en poinct ainsy quauroict faict
ou peu faire Led. Vendeur Et fut La presente Vente
faictes Aux Charges et Conditions cy dessus portee