Page 115 - index

15 déc. 1662 Concession de Marin Boucher et Perrine Mallet à Jean Galleran Boucher

Par deuant Claude Auber Nottaire et greffier
en La Coste et Seigneurye de Beaupré et tesmoingtz
Soub~.~e~ furent presentz en Leurs personnes M.re Martin
boucher et perrine Mallet Sa femme habitantz et
demeurantz en Ladicte Coste et Seigneurye Lesquelz
de Leur bon gré pure franche Liberté et Volonté
ont Recongneu Confessé et par ces presentes feeeRft
Recongnoissent et Confessent auoir des precedent
ce jour donné et Conceddé a Jean Galleran boucher
Leurs filz aussy habitant present et acceptant Cest
a Scauoir le Nombre de sept perches et demy de
terre abbouttissante dUn bout Sur Sur la grefue du grand
Fleuue de S.^ Laurentz et dautre bout dans les terres
desd. boucher et Mallet tenante des deux costez ausd.
terres Laquelle portion de terre a esté destachée
de La Concession et habita'on desd. boucher et Mallet
pere et Mere dudict Galleran boucher et pour son
accommodement a se loger et bastir laquelle Chose
est des a present faicte y ayant led. Jean Galleran
boucher Maison bastye feu et Lieu et Considerant
Lesd. pere et Mere dudict boucher qu'apres Leurs
decedz et trepas Leur bien est a Leurs enfantz ils
Recongnoissent par le present Nen Voulloir Retirer
aucune Rentes Ny prouenu Et Comme lesd. boucher
et mallet pere et Mere dudict Jean Galleran boucher
Luy auroyent par Cy deuant Pt et donné Concession
Sur leur habita'on de deux arpentz de .... terre de front
Sur led. Grand fleuue par Contract passé par deu't Nous
des precedent ce Jour Ils ont Recongneu et Recongnoissent
Que dans led. Contract ils auroyent faict quelque
obmission Laquelle est d'auoir donné Liberté audict
Galleran leur filz daller et Venir a charue et charette
par dessus le Restant de leurd. concession au Moins
de dhommage que faire ce pourra Ce qui1 Luy
donnent pour le present pour Jouir de Ladicte
Liberté a tousiours comme desd. Concessions Et
Sy en Cas led. Galleran en estoict aucunement
empesché ils priuent et deboutent des a present
et a tousiours tous et Chacuns Les empeschantz
de tel droict et Liberté quilz donnent pour le
present audict Galleran son filz et Comme led. Galleran
ayant cy deuant eu auec Jean Plante Son beau frere quelque